最近小編又諗翻當日點搞開喱個page。最主要原因係因為熱愛足球，咁當然仲熱愛足球……鞋啦，同埋周邊嘅產物。正正因為咁，小編除咗keep住追逐做職業足球員嘅夢想外，仲期望實踐另一個夢，就係製造一個平台，俾喜歡足球鞋同周邊產物嘅朋友仔開心share同傾吓計。
以往香港講足球鞋以至周邊產物嘅平台較少，而個啲平台好多時都係由背後店舖嘅marketing主導。但係“屎”page係由小編一人用真金白銀購買，並以用家身份作報導，以坦白講真話為前題。
小編最近想分享樣開心嘢，就係先前有位女士inbox小編問幫男朋友買生日禮物嘅問題，唔知簡邊對足球鞋好，最好笑嘅係，佢仲send咗唔同款嘅鞋俾我，中間有對更加係特別版: 專業跑鞋一對😂😂，希望你唔好介意。不過一個認同男朋友興趣嘅女朋友唔容易揾到，更唔容易嘅係幫男朋友買足球鞋做禮物，祝你們幸福喔！
開心嘅嘢仲有你地每一個嘅詢問同分享，對小編嚟講係一個好大嘅鼓勵同支持。未來嚟講，小編好歡迎各位inbox實物嘅靚鞋或產品晌page做分享，甚至係實戰經驗嘅都無任歡迎。總之有咩想法都可以inbox小編一齊傾嘅。😊
有感而發，大家喜歡嘅話就share俾身邊喜歡足球鞋同足球產品嘅朋友啦！thanks!
Search